तिमी अनि प्रकृति

सन्दकपुरमा उदाएको लाली चियाका बोटहरुमा पर्दा,
मलाई लाग्यो तिमी रातो घुम्टो ओढेर बसेकी छ्यौं ।

अम्लिसोका फुलहरु पवनसंग जिस्किरहदा,
मलाई लाग्यो तिमी केश फुकाएर चिहाउदै छ्यौ ।

माइखोलाको सुर्साईसंगै उठेको कुहिरोले इलाम बजार छोपिदा,
मलाई लाग्यो तिम्रो सेतो आँचलले मेरो मुहार छोपिएको छ ।

लाली गुराँशको रक्ताम्य जंगलमा कोइलीको भाका सुन्दा,
मलाई लाग्यो तिमी सुस्तरी सुस्तरी अधर चलाउदैछ्यौं ।

माइपोखरीको निलो पानीमा छेउ उभिएका सल्लो र कटुस देख्दा,
मलाई लाग्यो तिम्रो गगनरुपी नयनले एकाहोरो रहेछौ ।